ایک بھکاری جو اب اپنے گاﺅں میں ہیرو بن چکا ہے

منوج کا کہنا ہے کہ وہ ایک روز حسب معمول نابینا بن کر بھیک مانگ رہا تھا کہ دو لوگ اس کے پاس آئے اورمیر ے بھیک مانگنے کے انداز کو دیکھ کر ایک فون نمبر اور کچھ رقم دے کر اداکاری کی پیشکش کی۔ جب اس نے فون پر رابطہ کیا تو اسے نہرو سٹیڈیم پہنچنے کا کہا گیا اور جب وہ وہاں پہنچا تو یہ دیکھ کر حیران رہ گیا کہ وہاں واقعی فلم کی شوٹنگ ہورہی تھی اور ہر طرف  خوبصورت لڑکیاں نظر آرہی تھیں۔ منوج کے ساتھ سات اور بھکاریوں کا آڈیشن کیا گیا اور بالآخر اسے پانچ سیکنڈ کے رول کیلئے منتخب کرلیا گیا جس میں وہ سڑک کے کنارے بھیک مانگتا ہے اور عامر خان رقص کرتے ہوئے اس کے کشکول  سے رقم چراتا ہے۔  یہ منظر جمعہ کے روز ریلیز کی جانے والی فلم کے پی کا حصہ  ہے۔ منوج شوٹنگ کے دوران مشہور اداکاروں کے ساتھ فائیو سٹار ہوٹلوں میں قیام کرچکا ہے اور اب اپنے گاﺅں میں بھی ہیرو بن چکا ہے۔ اسے نئی ملازمت اور نئی محبوبہ بھی مل چکی ہے اور اب وہ مقامی فلموں میں کام کرنے کا خواہاں ہے