اوسلو(عقیل قادر) اسلام آباد راولپنڈی ویلفیئر سوسائٹی کی انتظامیہ و مشاورتی بورڈ کے اراکین نے صدر سوسائٹی مرزا انور بیگ کو فریضہ حج ادا کرنے پر دلی مبارکباد پیش کی اور نیک تمناؤں کا اظہار کیا اور کہا کہ اللہ پاک اپنے نیک بندوں کو منتخب کر تاہے اور انہیں حج کی توفیق عطا فرماتا ہے اور یہ انسان کی خوشی قسمتی ہے کہ وہ اپنی زندگی میں اللہ کے پاک گھر اور روضہ رسول ﷺ کی زیارت سے فیض یاب ہو سکے۔ مرزا انور بیگ نے اس موقع پر انتظامیہ و مشاورتی بورڈ کے اراکین کا شکریہ ادا کیا اور انہیں اپنے سفر حج کی رواداد سنائی اور کہا کہ اللہ کے فضل سے پورا سفر بہت اچھا گذرا اور اللہ کے گھر کی زیارت کرکے انسان کے دل میں اللہ کی بڑائی اور عظمت اور بڑھ جاتی ہے۔ اس موقع پر سوسائٹی کے اراکین کی طرف سے مرزا انور بیگ کو پھولوں کا گلدستہ بھی پیش کیا گیا۔جن اراکین سوسائٹی نے مرزا انور بیگ سے انکی رہائش گاہ پر ملاقات کی ان میں چوہدری مظہر حسین، اقبال اختر خان، مرزا ذوالفقار، چوہدری اسماعیل سرور، یوسف خان، خالد اسحاق، راجہ فیاض، سید فواد علی اور محمد علی شامل ہیں۔
