جو اللہ زندگی عطا کرتا ہے ،موت بھی اسکی جانب سے ہے اور ہر مردہ شے میں ازسر نو زندگی وتابندگی پیدا بھی وہی ذات کبریا فرماتی ہے ۔انسان جب کسی مہلک مرض میں مبتلا ہوتا ہے تو اس کے اندرونی اعضا کی کارکردگی ختم ہونے لگتی ہے ،پیوند کاری اس وجہ سے ہوتی ہے تاکہ نئے اعضا لگا کر نظام کو فعال کیا جاسکے۔جیسا کہ خون کا کینسر ہے۔موجودہ دور میں انتہائی مہلک اور مہنگا ترین علاج ثابت ہورہا ہے۔اسکا بھی روحانی علاج کیا جائے تو اس میں کوئی شک نہیں ہونا چاہئے کہ صحت مند خون پیداکرنے والے خلئے اور اعضا پھر سے اللہ تبارک تعالٰی کے وعدہ کے مطابق تندرست نہ ہوجائیں ۔اللہ کے اسم مبارکہ المحی کی خاصیت یہ ہے کہ اس پر مامور فرشتے انسان کی حفاظت فرماتے ہیں ،اللہ کے حکم سے مردہ خلیوں میں جان پڑجاتی ہے۔صوفیا کرام کا کہنا ہے کہ جو بھی المحی کا ذاکر و عامل بن جاتا ہے وہ جس کو اس کا پانی دم کرکے پلائے گا ،وہ انسان مہلک مرض سے محفوظ رہے گا۔روزانہ پانچ ہزار بار یا محی قلب میں نوّے دنوں تک پڑھنا ہے،باآواز بلند نہیں پڑھنا۔ روزانہ پانچ بار پڑھنے کے بعدپانی پر دم کرکے پینا ہے۔اول و آخر گیارہ گیا رہ بار درود پاک ساتھ پڑھنا ہے۔
