تارکین وطن کی اعلیٰ تعلیم یافتہ لڑکیاں

ہم لوگ اس بات پر فخر کرتے ہیں کہ تارکین وطن کی لرکیاں اعلیٰ تعلیم حاصل کر رہی ہیں لیکن درحقیقت یہ تعلیم ضائع ہو جاتی ہے۔یہ کتاب ایک مصنف نے میری مرضی میں لکھی ہے۔مصنف نے کتاب میں اس حقیقیت کو مثالوں سے ثابت کرنے کی کوشش کی ہے۔مصنف کے مطابق تارکین وطن کی لڑکیاں جب اٹھارہ برس کی ہو جاتی ہیں ان کے والدین اپنے وطن میں ان کی شادیاں کر دیتے ہیں۔خاص طور سے پاکستانی والدین۔پھر انہیں گھر بٹھا دیا جات اہے جہاں وہ بچے پالتی ہیں اور خاندان کی خدمت کرتی ہیں اس طرح ان کی تعلیم ضائع ہو جاتی ہے۔
میری مرضی نامی کتاب میں مزید لکھا ہے کہ یہ لڑکیاں اپنے وطن سے لائے گئے جیون ساتھیوں کے ساتھ رہ کر دس برس پیچھے چلی جاتی ہیں۔جبکہ نارویجن قوم اسمبلی کی رکن اور فریمسکرت پارٹی کی سیاستدان کارین آندرسن نے اس کتاب کے مصنف پر برہمی کا اظہار کرتے ہوئے کہا ہے کہ کتاب کے مصنف آندرسن نے کتاب میں تارکین وطن کے بارے میں حقائق کو توڑ موڑ کر پیش کرنے کی کوشش کی ہے اور اپنے موقف کو غلط مثالوں سے ثابت کرنے کی کوشش کی ہے۔کتاب میں حقائق کو توڑ موڑ کر پیش کیا گیا ہے۔ جیسے ایک مثال میں ایک چوبیس سالہ پاکستانی خاتون شائستہ کے بارے میں لکھا گیا ہے کہ انہوں نے نرسنگ کی اعلیٰ تعلیم حاصل کرنے کے بعد تحقیقی سائینس میں ماسٹرز کیا ہے۔شائستہ کے والدین نے ان کی شادی پاکستان میں کردی ۔شادی کے بعد وہ ضیابطیس کے تحقیقی ادارے میں کام کر رہی ہیں۔یہ ایک بے ربط مثال ہے۔
FAFO کے ادارے کی تحقیق کار ہانے سیسیلیا (Hanne Sicilia)کا کہنا ہے کہ برطانوی تحقیق کار اینجلا دالے (Angela Daley)کے مطابق برطانیہ میں پیدا ہونے والی لڑکیاں جن کے والدین انکی شادیاں پاکستان میں رہنے والے لڑکوں سے کرتے ہیں پیشہ ورانہ زندگی میں خاصی متحرک ہیں۔جبکہ زچگی کی چھٹیوں کی معیاد مختلف علاقوں کی خواتین میں مختلف ہے۔
کوالی (Kawali)کے مطابق خواتین کی پیشہ ورانہ سرگرمیوں مین حصہ لینے میں فرق تو ہے مگر اس سے یہ ثابت نہیں ہوتا کہ انکی پیشہ ورانہ زندگیوں میں انکے وطن سے آنے والے جیون ساتھیوں کا ہاتھ ہے۔