رواں سال پاکستان اور بھارت کے درمیان کتنے کرکٹ میچ ہونگے ؟ایسی خبر آگئی کہ مداحوں کی خوشی کا ٹھکانہ نہ رہے گا

ایشیاکرکٹ کپ میں پاکستان اور بھارت تین بار مد مقابل ہونگے ۔رواں سال یواے ای میں شیڈول کیا جانے والا ایشیا کپ ٹورنامنٹ قبل ازیں 2008میں متعارف کرائے جانے والے فارمیٹ کے تحت ہی کھیلا جائے گا، ایونٹ میں شریک 6ٹیموں کو 2گروپس میں تقسیم کرکے دونوں سے ٹاپ سائیڈز پر مشتمل سپر 4مرحلہ ہوگا جس کے بعد فائنل کھیلا جائے گا۔
شیڈول کے مطابق 18ستمبر سے شروع ہونے والے ایشیا کپ میں گروپ اے میں شامل پاکستان اور بھارت کا میچ 21ستمبر کو ہوگا۔ اگر تیسری کوالیفائر ٹیم نے کوئی اپ سیٹ نہ کیا تو سپر4مرحلے میں روایتی حریف ٹیمیں مقابل ہونگی۔
گروپ بی میں شامل بنگلادیش،سری لنکا اور افغانستان سے راﺅنڈ آف فور میں کوئی بھی جگہ بنائے،ان ٹیموں کی قوت اور فارم کو دیکھا جائے تو فائنل تک رسائی کے لیے بھی پاکستان اور بھارت کو فیورٹ قرار دیا جا سکتا ہے،امکان یہی ہے کہ دونوں ٹیمیں ٹائٹل کے لیے برتری کی جنگ لڑیں گی۔
شیڈول کے مطابق پاکستان کا ایونٹ میں پہلا میچ 18ستمبر کو کوالیفائر ٹیم سے ہوگا، دوسرا معرکہ بھارت کے ساتھ 21تاریخ کو طے ہے، ٹیموں کی پوائنٹس پوزیشن طے ہونے کے بعد سپر 4 راو¿نڈ مرحلہ 28 ستمبر تک جاری رہے گا،فائنل 30تاریخ کو ہوگا۔