اکثر کہا جاتا ہے کہ پاکستانی کھانے کھاکر وزن بڑھتا ہے لیکن آج ہم آپ کو ایسے کھانوں کے بارے میں بتائیں گے جن کے کھانے سے آپ کا وزن کم ہوگا۔
دلیا
انسانی جسم کے وزن کو کم کرنے میں فائبر والے کھانوں کا بہت کردار ہوتا ہے اور گندم کے دلیے میں بہت زیادہ فائبر ہوتا ہے۔ناشتے میں دلیا کھانے سے دن بھر آپ کا پیٹ بھرا رہے گااور اسی طرح اگر آپ دلیے کو دوپہر کے کھانے میں کھائیں گے تو اس سے آپ کو بہت فائدہ ہوگا۔اگر آپ کا وزن زیادہ ہے یا کولیسٹرول کا مسئلہ درپیش ہوتودلیا ضرور کھائیں۔
ستو
گرمیوں میں ان کے استعمال سے نہ صرف آپ کو فرحت بخش احساس ملے گا بلکہ اس کی وجہ سے آپ کا وزن بھی کم ہوگا۔سفید چنوں یا جو سے بنائے گئے ستوں میں بھرپور غذائیت پائی جاتی ہے۔اس کے باقاعدہ استعمال سے آپ اپنا وزن کم کرسکتے ہیں۔
باجرہ
اس سے بنائی ہوئی روٹی ضرور کھائیں کہ اس میں آپ کو منرلز اور لحمیان کی مناسب مقدار ملے گی اور آپ کو کمزوری کا احساس بھی نہیں ہوگا۔
Sprouts
یہ ایک طرح کی سبزی ہے جس میں وٹامنز،منرلز اور فائبر کی بھرپور مقدار پائی جاتی ہے۔اس کے استعمال سے بھی آپ کووزن کم کرنے میں بہت زیادہ مدد ملے گی۔
