کویتی وفد کا دیناروں سے بھرا پرس چرانے والے سرکاری افسرضرار حیدر کو گرفتار کر لیا گیاہے تاہم اب اس کی سی سی ٹی وی ویڈیو بھی سامنے آ گئی ہے ۔
کوٹ میں ملبوس ایک شخص لوگوں سے نظریں چراتے ہوئے انتہائی صفائی کے ساتھ ٹیبل سے پرس اٹھا رہاہے اور اس کے بعد اپنے کوٹ کی جیب میں ڈال کر چلتا بنا ۔
سیکرٹری اقتصادی امور ڈویژن غضنفر جیلانی نے اجلاس میں شریک تمام پاکستانی افسروں سے بیگ اور پرس کی گمشدگی کے بارے میں پوچھا لیکن اجلاس میں شریک تمام افسروں نے اس سے لاتعلقی ظاہر کی۔
سیکرٹری اقتصادی امور نے حساس اداروں کو اس معاملہ کی چھان بین کرنے کی ہدایت کی اور متعلقہ اداروں نے جب ہوٹل کے سی سی ٹی وی کیمروں کو چیک کیا تو جوائنٹ سیکرٹری ضرار حیدر مذکورہ بیگ اور پرس کو چوری کرتے ہوئے پائے گئے اور بعد میں حساس اداروں نے چھاپہ مار کر مذکورہ افسر سے بیگ اور پرس برآمد کر لیا۔
