===========
غزل —— ضامن جعفری
===========
اے عشق ! نہیں ممکن اب لوٹ کے گھر جانا
یا دل میں اتر جا نا یا دل سے اتر جا نا
ہو جذب کی جب منزل ، ہستی وعدم کیسے
کیا پار اترنا اور کیا پار اتر جا نا
ہر ذرّه_ خاکی میں اک عشق کی دنیا تھی
غم نے تو ہمیں جاناں بس خاک_ امر جا نا
دیکھیں وہ مقام_عشق ، اک حسرت و حیرت سے
اے صدق_ جنوں میرا اک کام تو کر جا نا
پھر گل نہ کھلا دیجو تو باد_صبا بن کر
اے چلتی ہوا ، کلیوں کے کان نہ بھر جانا
ہر سانس کے آ نے سے ہر سانس کے جا نے تک
ہستی کو سدا ضامن ، مہلت کا سفر جا نا
====================
مرسلہ —- سعود صدیقی
—
