سورج کی سرائے اور پراسرار روشنیوں کا دلکش شہر تھرومسو

راوی ۔تنزیلا شبنم
تحریر شازیہ عندلیب
آج میں آپ کو تنزیلہ کے ساتھ ان کے شہر تھرومسو کی سیر کروائوں گی۔تھرومسو ناروے کے انتہائی شمال میں واقع کرہء عرض کا یک عجوبہ شہر ہے۔یہ وہی کہانیوں والا شہر ہے جہاں چھ ماہ دن اور چھ ماہ رات ہوتی ہے۔سال کے بیشتر حصے میں زمین برف کی چادر ہی نہیں بلکہ برف کی رضائیاں اوڑھے رہتی ہے۔یہاں ایک یونیورسٹی بھی ہے اور ایک ریسرچ سینٹر بھی۔اس لیے دنیا کے اس دور دراز برفانی علاقے میں ذیادہ تر لوگ پڑہے لکھے ہیں ۔یہاں تارکین وطن کی بھی ایک بڑی تعداد آباد ہے۔جو ذیادہ تر درس و تدریس کے پیشوں سے منسلک ہے۔
یہاں پانچ پاکستانی خاندان آباد ہیں۔جبکہ انڈین خاندان بھی ہیں۔تہواروں پر ایشیائی نسل کے لوگ مل بیٹھتے ہیں اور آپس میں دیس سے دور اپنی خوشیاں بانٹ لیتے ہیں۔یونیورسٹی کی وجہ سے یہاں بہت سے پاکستانی طلباء تعلیم حاصل کر رہے ہیں۔
یوں تو تھرومسو کا علاقہ حسن فطرت سے مالا مال ہے لیکن موسم سرماء میں آسمان پر رنگین روشنیوں کا جھرمٹ ایک انوکھا اور دلکش و نایاب منظر پیش کرتا ہے۔اس منظر کو دیکھنے کے لیے سیاح دور دور سے کھنچے چلے آتے ہیں۔یہ روشنیاں سورج کی شعائوں سے منعکس ہو کر یہاں اترتی ہیں اور ناروے کے نکڑ والے آسمان پہ ایک جلوے کی صورت میں بکھر جاتی ہیں۔یہ جلووں بھرا منظر آپ کو دنیا میں کہیں نہیں ملے گا مگر صرف ناروے کے شہر تھرومسو میں۔یہ منظر دیکھنے کے لیے آپ کو سخت سردی میں ٹھٹھرنا ہو گا ۔جس میں ہمت ہے وہ وہاں جا کے دیکھ لے۔یہ تو تھا موسم سرماہ کا نظارہ۔جبکہ موسم گرماء میں سورج یہاںڈوبتا ہی نہیں۔شائید یہاں کی زمین اور مقامی لوگوں کے حسن سے متاثر ہو کر یہیں ٹھہر جاتا ہے۔یو ں لگتاہے جیسے سورج کا آتشیں گولہ سمندر کے کنارے کھڑا ہے اور پھر ناروے اور دنیا بھر سے شوقین افراد سورج سے یہ مختصر ملاقات کرنے کے لیے جوق در جوق چلے آتے ہیں۔اگر ناروے سے باہر رہنے والے سیاحوں کو یہاں موسم سرماء میں آنے کا موقع ملے تو سورج سے ملنا نہ بھولیں۔یہ خوش گوار سفر آپ کی زندگی کی حسین یاد بن جائے گا۔ذرا آزما کر تو دیکھیں۔
یہ تصاویر تھرومسو کی شہری تنزیلہ شبنم نے خاص طور سے اردو فلک کے قارئین کے لیے ارسال کی ہیں ۔آپ بھی دیکھیں اور لطف اندوز ہوں۔اردو فلک ڈاٹ نیٹ اور اس کی ٹیم آپ کی تہہ دل سے شکر گزار ہے۔