آئی سی سی نے آخر کار پاکستان کیلئے وہ پیغام جاری کر دیا جسے سننے کیلئے پاکستانیوں کے کان ترس گئے تھے ، کرکٹ کی دنیا سے بڑی خبر آ گئی

آئی سی سی کے سیکیورٹی کنسلٹنٹ بریگیڈیئر رچرڈ ڈینس نے کہا ہے کہ پی ایس ایل تھری کے فائنل کا کراچی میں کامیاب انعقاد خوش آئند ہے جس سے ثابت ہوگیاکہ پاکستان ایک پرامن ملک ہے۔
نجی ٹی وی ایکسپریس نیوز کے مطابق رچرڈ ڈینس نے کہا ایونٹ کے کامیاب انعقاد میں رینجرز اور پولیس سمیت قانون نافذکرنے والے اداروں کا کردار قابل تعریف ہے۔ اہلیان کراچی کھیلوں سے محبت کرنے والے ہیں۔ انھوں نے کہا کہ پی ایس ایل تھری کے فائنل پردیے جانے والے سیکیورٹی پلان پرمکمل اوربھرپور انداز میں عمل درآمد کیا گیا۔
ان کا کہناتھا کہ فائنل پر پر±جوش تماشائیوں نے بھی بہترین رویے کا مظاہرہ کیا، انھوں نے منظم انداز میں میچ سے لطف اندوز ہو کرخو د کو کرکٹ کا دلدادہ ثابت کیا۔رچرڈ نے کہا کہ اتوار سے کراچی ہی میں پاکستان اور ویسٹ انڈیز کے درمیان شروع ہونے والی ٹی ٹوئنٹی سیریزمیں بھی بہترین سیکیورٹی کے اہتمام کو ممکن بنایا جائیگا، امید ہے کہ یہ مقابلے دلچسپ ثابت ہوں گے اور شائقین کرکٹ بھی سیریز سے لطف اندوزہوں گے۔