برطانوی پولیس نے شہزادہ ہیری اور ان کی اہلیہ میگن مارکل کو قتل کرنے کا منصوبہ ناکام بنا دیا ،معلوم ہوا ہے کہ انسداد دہشت گردی پولیس نے تین مختلف مقامات پر چھاپے مار کر تین نوجوانوں کو گرفتار کرلیا ، یونیورسٹی کا ایک طالبعلم اینڈریو اور اس کے 2 ساتھی جن کی عمریں 17 اور 18سال بیان کی جاتی ہیں کو گرفتار کرکے قابل اعتراض مواد جس میں پرنس ہیری کی تصاویر شامل برآمد کر لی ،گرفتار ہونے والے مبینہ دہشت گردوں نے موقف اختیار کیا ہے کہ شہزادہ ہیری نے نسلی غداری کرتے ہوئے ایک امریکن لڑکی سے شادی کی تھی، مزید تحقیقات جاری ہیں۔
