بھارتی سکھوں نے پاکستان پر حملے کی صورت میں ساتھ نہ دینے کا اعلان کردیا، پاکستان کیخلاف کسی بھی کاروائی کیلئے ہندو شدت پسندوں کو میدان میں اتار نے کی تلقین، جبکہ خالصتان بنانے کی دھمکی بھی دے دی۔ تفصیلات کے مطابق پلوامہ میں مقبوضہ کشمیر کی تاریخ میں بھارتی فوج پر ہونیوالے سب سے بڑے حملے کے بعد ایک بھار تی سکھ فوجی جرنیل نے دھمکی دی تھی کہ بھارتی فوج کی سکھ بریگیڈ اکیلے ہی پاکستان پر قبضہ کر سکتی ہے۔بھارتی فوج کی ایسی مضحکہ خیز دھمکیوں پر خود بھارت کی سکھ برادری کی جانب سے بھرپور ردعمل دیتے ہوئے پاکستان پر حملے کی صورت میں بھارتی فوج کا ساتھ نہ دینے کا اعلان کیا ہے اورکہا ہے بھارتی سرکاری جنگی جنون میں مبتلا ہو کر پاکستان کیساتھ جنگ کرنا چاہتی ہے تو جنگ میں سکھوں کی بجائے شدت پسند ہندوں کو جھونکے۔سکھ ایسی جنگ کا حصہ نہیں بنیں گے۔ ہندوستانی حکومت پاکستان پر الزامات لگانے کی بجائے سکھوں پر کیے جانے والے مظالم بند کرے۔ بھارت کی سکھ برادری کی جانب سے یہ بھی اعلان کیا گیا ہے مودی سرکار نے سکھوں پر مظالم بند نہ کیے تو پھر سکھ برادری خالصتان بنا کر رہے گی۔ واضح رہے مقبوضہ کشمیر کے ضلع پلوامہ میں ہونیوالے بھارتی فوج پر حملے کے دوران 44 بھارتی فوجی مارے گئے تھے۔ اس حملے کو مقبوضہ کشمیر میں بھارتی فوج پر ہونیوالا سب سے بڑا حملہ قرار دیا جا رہا ہے۔
